Профил | Alfa Import | Вашата градежна солуција

За нас

Алфа Импорт е компанија, формирана во 1995та година. Компанија која од своите почетоци па се до денес постигнува брз и континуиран развој, во кој свој период на 28 години успешно работење на македонскиот пазар воспоставува нови стандарди во областа на продажно-дистрибутивното работење со градежни материјали.
Алфа Импорт постигна голем развој во делот на висококвалитните градежни решенија, овозможувајќи денес, компанијата да нуди иновативни градежни солуции, кои ги задоволуваат и највисоките еколошки и енергетско-ефикасни барања.
Полето на делување на Алфа Импорт опфаќа дистрибуција на сите стоваришта, магацини за градежни материјали и градежни компании во Република Македонија.
Нашата компанија има прифатено современи процеси на работа кои генерираат ефикасно, ефективно и успешно деловно работење и високо развиена свест за грижа и заштита на животната средина. Процеси кои ги овозможуваат нашите најголеми компаниски вредности на стабилност, долгорочност, сигурност, истрајност во градењето, доследност во нашата работа како и висок квалитет на сите наши производи.

Алфа Импорт – Вашата градежна солуција

Уште во самите почетоци, нашата компанија се позиционираше на пазарот како стручно-ориентирана компанија, која професионално се занимава со работи од областа на градежништвото и трговијата со градежни материјали.
Денес кон сите наши потрошувачи и клиенти, дејствуваме со големо внимание, искрено, одговорно и посветено се со цел да ги задовoлиме сите нивни барања.
Главна дејност нашата компанија е увоз, продажба и дистрибуција на големо со висококвалитетни градежни материјали, покривни системи (глинени и бетонски ќерамиди), фасадни и силикатни тули, материјали за градба (термоблокови, гасбетонски и силикатни блокови, гитерблокови, ферт каналици, ферт монти, вентилациони блокови), термоизолација (камена минерална волна, стаклена минерална волна, кровни фолии), хидроизолација (хидроизолациони битумнески траки, битулит, хидроизолациони мембрани) и градежни лепила/малтери (акрилни бели/сиви лепаци за плочки).
Нашиот магацин за градежни материјали се наоѓа во Скопје, сместен во Источната индустриска зона-Маџари – Стовариште “Туртел”

СО АЛФА ИМПОРТ ДО ЕФИКАСНА ИЗГРАДБА НА ВАШАТА ИДНИНА

За ефикасно градење од големо значење се градежно физичките карактеристики, издржливоста, стабилноста, коефициентот на топлинска спроводливост и заштитата на животната средина, како и градежните активности во однос на начинот на ѕидање кој може да биде изведен со користење на различни техники. Ние сме тука да ви ги понудиме најдобрите.

Соработка

Алфа Импорт е увозник и застапник на неколку познати странски, реномирани компании како NEXE POLЕT Нови Бечеј, NEXE STRAZILOVO Србија, NEXE DILJ Хрватска, UNIVERZUM Кубршница, TOZA MARKOVIC Кикинда, MLADOST Лесковац, ZORKA OPEKA Шабац, RAPID APATIN Апатин, BITUMENKA Сараево, TERRAN Унгарија, URSA Словенија, KNAUF INSULATION Сурдулица Србија, POТISJE KANJIZA (Tondach) Кањижа Србија, XELLA (Ytong,Silka) коoрпорација Бугарија, SRDJAN NIKOLIC Србија.

Од почетокот па се до ден денес, ALFA IMPORT гради препознатлива слика базирана на доверба, лојалност и тесна соработка со партнерите.

Располагаме со:

Квалитетна дистрибутивна мрежа за транспортирање на градежни материјали
Широко развиена продажна мрежа, поддржана со комплетна инфраструктурна логистика
Широка палета на градежни материјали
Простран и добро организиран магацин

Вработени

Вработените се највредниот ресурс со кој располага нашата компанија.

Тимот на Алфа Импорт се состои од искусни професионалци со долгогодишно искуство во областа на градежната индустрија. Тим посветен на работата, составен од луѓе кои преку својата професионалност, стручност, способност, вештини и искуства, поединечно и заедно придонесуваат за нашето успешно работење.

Општествената одговорност во деловното работење е одлика на нашите вработени и тие вистински претставуваат најважниот дел од нашата компанија.

Мисија

Нашата мисија се состои во креирање на продажно дистрибутивни солуции на најразлични видови на градежни материјали на пазарот, градејќи подобра иднина и одговорно исполнувајки ги потребите на сите наши клиенти.
Вложувајќи во стабилни и зголемени пазари ние постојано ги подобруваме процесите на генерирање вредности кон создавањето на долгорочни односи на лојалност со сите наши добавувачи, вработени, клиенти и потрошувачи преку одржлив раст.

Визија

Нашата визија е создавање на постојан и одржлив раст преку наше позиционирање како лидери во продажбата на градежни материјали, обезбедувајќи стабилно партнерство со клиентите и добавувачите, поставувајќи највисоки стандарди во областа на градежништвото во Република Македонија.
Визијата на Алфа Импорт е да се постигнат квалитетни решенија во полето на градежните материјали, препознатливи по општествено одговорно работење и стабилно создавање на нови вредности за своите купувачи, сопственици, градежни претприемачи, изведувачи, инвеститори, технички раководители, архитекти, вработени, како и за целата општествена заедница.

Цел

Нашата цел е да им служиме на сите наши клиенти преку обезбедување на високо квалитетни, еколошки и енергетско ефикасни градежни материјали.

Вредности

Сите наши вредности ги градиме заедно со нашите вработени, клиенти, партнери и останатати соработници. Тие вредности ја претставуваат нашата деловна култура и начинот на спроведување на нашата визија.
Лојалноста, Посветеноста, Сигурноста, Довербата, Отворената комуникација, Иновативноста и Тимската работа се сликата на нашата компанија.

Посветеност и одговорност

Oпштествената одговорност на нашата компанија се базира на подобрувањето на квалитетот на живот на поедниците и семејствата, а се должи на нашето одговорно работење кое е и воедно клуч на нашиот досегашен успех, раст и развој.

Како општествено одговорна компанија, секогаш работиме во насока на подобрување на квалитетот на животот во општеството, како и поединечно на сите негови членови.

Вработување

Алфа Импорт дава можност за вработување на млади и амбициозни личности кои можат да понудат нови идеи и допринесат за натамошно развивање на нашата компанија.

Можност за вработување постои во нашите веќе постоечките дејности, како и можност за креирање на тим за нови дејности.

Алфа Импорт ги потикнува сите заинтересирани за студенска пракса да аплицираат на наведената адреса со назнака “За студентска пракса”.
Доколку сте заинтересирани и спремни да ни се придружите, испратете ни Ваша биографија и мотивационо писмо на info@alfaimport.com.mk или пак на нашиот online формулар.

Сертификати за квалитетот на производите

Поголемиот дел од градежните производи на Алфа Импорт поседуваат Сертификати за контрола на фабричкото производство, а оттаму и правото на сертифицираните производи да се постави ознаката CE.

Со овие Сертификати се потврдува дека со контрола на фабричкото производство се потврдува дека сертифицираните производи се во сообразност со барањата од европски норми. Глинените покривни проиводи располагаат со европски сертификат за квалитет со кое се означуваат производи пријанти за околината, здравствена сигурност, природни суровини, природни производи без хемиски додатоци, природната глина и нејзините елементи.

Екологија и одржлив развој

Алфа Импорт е компанија која активно работи на полето на заштита и зачувување на околината.
Располагаме со широк спектар на градежни производи кои ги исполнуваат растечките потреби за енергетска ефикасност, звучна изолација и топлинска изолација на сите нови и постоечки станбени и деловни згради, комерцијални, индустриски и јавни објекти.

Нудиме советување на своите клиенти за градежни решенија со примена на енергетско ефикасни градежни материјали кои овозможуваат одржлив развој и намалување на потрошувачката на електрична енергија.
Природни и сигурни градежни материјали, со долг животен век на траење, функционални и апсолутно чисти кои на просторот му даваат топлина, убавина, трајност...

Вакви производи се Термоблоковите произведени по европски стандарди и норми. Тие се идеални производи, бидејќи се направени исклучиво од природни материјали (глина и струготини), без синтетички адитиви.
Современата технологија на производството на термоблоковите ги намалува штетните гасови, честичките и потрошувачка на енергија, обезбедувајќи здрава и пријатна клима.

ЕКОЛОШКА ИСПРАВНОСТ НА МАТЕРИЈЛИТЕ

Камената и стаклената минерална волна на KNAUF INSULATION и URSA поседуваат сертификати за безбедност за човековото здравје - EUCEB (Европска сертификација на Одборот за минерална волна производители), што претставува независна потврда, што гарантира дека минералната волна ги исполнува критериумите за не-канцерогени материјали.
Зголемената загриженост во развиените земји поради дисипацијата на енергија и глобалното затоплување ја постави потребата за заштеда на енергија во преден план.

Со оглед на тоа дека објектите се идентификувани како најголемите потрошувачи на енергија, големо внимание се одава на нивниот енергетски биланс, како за изградбата на нови објекти така и проекти за реновирање.
Изолацијата со камена и стаклена волна е најиспалтливо долготрајно решение за заштеда на енергија во објектите.
Добро изолираните ѕидови, подови и тавани обезбедуваат пријатна температура во лето и зима, намалувајќи ја потребата за греење и ладење, со што се на минимум се намалува и потрошувачката на енергија.
Инсталирата изолација е долготрајна заштеда, затоа што нејзината трајност е онолку долга колку што е и трајноста на самата зграда.Камената волна е создадена од вулкански камен доломит, дијабаз и базалт.

Базалтот е многу тврда вулканска карпа, потврда дури и од гранитот. Доломитот е безбоен кристален варовник кој има примеси на железо и магнан.
Камената волна се применува во градежништвото како апликација за коси кровови, подни конструкции, надворешни ѕидови, вентилациона фасада, внатрешни преградни ѕидови, внатрешни подни конструкции и рамни кровови.
Поради својот минерален состав, камената волна спаѓа во групата на минерални волни.

Во процесот на производство суровините се топат на високи температури, при што се добива "лава", која со помош на центрифугални тркала се претвара во фини влакна кои потоа се депониранат во филц.
Камената волна нуди топлотна, звучна изолација и противпожарна заштита. Таа претставува производ со долготрајни, водоотпорни, паропропусни и најбитно, еколошката безбедни карактеристики, отпорни на микроорганизми, хемиски субстанции.

ГЛИНАТА ГО ПРАВИ ПОКРИВОТ

Глината е природен материјал. Ќерамидата се произведува од најквалитетна глина која се меша со вода, суши со топол воздух, а потоа се пече во тунелска печка. Бојата е природна без хемиски додатоци.
Нејзиното производството не ја загадува околината, затоа што отпадните материјали се рециклираат. При депонирањето и рециклирањето на природните материјали нема загадување на околината.

Глината создава идеална клима за живеење. Природниот материјал е пред се здрав материјал, кој обезбедува оптимални и благопријатни услови за живеење. Природните бои даваат чувство на топлина и удобност, а "дишењето" на ќерамидата го овозможува нејзиното перфектно сушење.

Глината долго живее и е посебно отпорна на влијанието на околината. Отпорност на ултравиолетовото зрачење (постојаност на боја, отпорна на светлина, природен изглед). Отпорност на киселини (кисели дождови). Отпорност на бази (на пример птичји измет). Голема издржливост (пр. на снег, удар од град). Отпорност на топлина, незапаливост. Отпорност на температурни промени (мраз, роса).

Глината е многустрана. За реновирање и санации. Оптимално е прилагодена за сечиј вкус и за секој архитектонски стил, од викендица до замок, од фамилијарна куќа до деловни згради, широката палета на производи која овозможува глинен покрив што ќе одговара за секаква варијанта. За Ваша сигурност и заштита: двостраните хоризонтални и бочни фалцови овозможуваат потполна заштита од силен ветер, дожд и снег.

Глината е економична со долг животен век, испитан и потврден, кој изнесува 80 до 100 години. Високиот квалитет на глинената ќерамида ја обезбедува нејзината трајна вредност. Таа е оптимална е при санации на покриви. Нема потреба од дополнителни премачкувања или заштитни слоеви.

Глина e со највисок квалитет. Секојдневна контрола на производството и квалитетот по Европските стандарди. Строга екстерна контрола на квалитетот преку проби. Жигосана со знакот за заштита на природата.

Енергетска ефикасност

Нашата компанија постојано работи на зачувување и рационално користење на енергијата. Постигнавме забележителни резултати во делот на потрошувачка на енергија.
Енергетската ефикасност е многу значајна. За да ја реализираме енергетската ефикасност, мораме да се прилагодиме кон новите извори на енергија и на новите начини на штедење на истата.
Енергетските ефикасни објекти се само еден дел од глобалната енергетска ефикасност.
Концептот за пасивни куќи денес претставува највисок енергетски стандард во градежништвото, намалувајќи ја потрошувачката на енергија за греење до неверојатни 90%.

Квалитетот и искористувањето на енергетската ефикасност во текот на планирањето, градењето и функционалноста на објектот се основни правила за одржување на микро климата и штедење на енергијата. Нашата компанија ги исполнува правилата за енергетска ефикасност, преку комбинирање на производните брендови Silka, фасадни тули Silka и Ytong. Со ова нудиме цела палета на производи за интегрирана градба вклучувајќи термичка изолација, оптимална статика, заштита од пожар и висока заштита од бучава.
Silka и Ytong елементите ги овозможуваат градењето, модернизацијата и решенијата за апликација на енергетската ефикасност во семејни домови, населби и објекти за колективно живеење.

Правилната примена на енергетската ефикасност во секојдневното живеење и делување овозможува заштеди на потрошената енергија дури и до 30%. За да се постигне тоа неопходно е примена на одредени стандарди и концепти за енергетска ефикасност кои е потребно да се заокружат во еден целосен процес кој само како таков нуди решенија кои гарантираат сериозни заштеди.

Квалитет и гаранција

Квалитетниот покрив е водонепропустлив, долготраен, едноставен за вградување, лесен за одржување и постојан на сите временски услови. Квалитетниот кров има лесна можност за реконструкции и е еколошки прифатлив.
Сите наведени карактеристики ги поседуваат покривните системи на нашата компанија. За квалитетот гарантираме со бројните признанија и сертификати, кои ги добивме како знак на врвниот квалитет, традиција, еколошка свест и допринесот во одржливиот развој. На сите ќерамиди гаранцијата за квалитет на производот е од најмалку 30 до 50 години.

Ќерамидите се производи кои се произведуваат од земја, се мешат со вода, се сушат на воздух и печат на оган! Производи од чиста природа, без хемиски додатоци кои се печат на температура повисока од 1000°C, со што се овозможува нивниот животен век да е подолг од 100 години.

Ќерамиди Алфа импорт